Imiryango 200 y’abafise amikoro make yo muri komine Murwi yararonkejwe imfashanyo. Imfashanyo yatanzwe n’Umushikiranganji wa Mbere aserukiwe n’umupfasoni NDAHAYO Isabelle, umuhanuzi ajejwe ivya poritike n’imigenderanire mu biro vy’Umushikiranganji wa Mbere yahamagariye abo baronkejwe iyo mfashanyo kurwanya ubunebwe no kwiteza imbere kugira boye kwama bazeye inze.
Yabasavye kuja hamwe n’abandi mu mashirahamwe canke amakoperative yo kwiteza imbere ngo boye gusigira inyuma mw’iterambere. Nayo abaserukira abandi abasaba kutirengagiza abafise amikoro make mu migambi y’iterambere irangurwa hamwe no gushigikira abo bishoboka ko bakwiye gushigikirwa.
Iyo mfashanyo ikaba yatanzwe mu ntumbero yo kugarukira ku bafise amikoro make yo mu makomine ya Bukinanyana na Murwi hamwe no kubipfuziza umwaka mushasha mwiza wa 2023.
